خاص بالاسرة
الحلقة الأولى : #الزواج فمدونة الأسرة ( بالدارجة )
كيفما كنعارفو كاملين بلي الزواج وسيلة لاستمرار الحياة و تعمير الأرض
فالأبناء الصالحون هم إمتداد لعمل الزوجين من بعد الوفاة ديالوم كيفما قال الرسول صلى الله عليه و سلم ( إذا مات إبن أدم إنقطع عمله ، إلا من ثلاث صدقة جارية أو علم ينتفع به أو ولد صالح يدعو له ) .
و مدونة الأسرة عرفت لينا الزواج فمدونة الأسرة فالمادة 4 وقالت بأن " الزواج ميثاق تراضي وترابط شرعي بين رجل وإمرأة على وجه الدوام غايته الإحصان و العفاف وإنشاء أسرة مستقرة برعاية الزوجين طبقا لأحكام هذه المدونة "
دابا غادي نشرح هاد المادة و نفصلوها مزيااااااان
أولا : المشرع قال بلي الزواج ميثاق تراضي وماقالش الزواج عقد حيث الميثاق كيتعدى العقد و مكيتوقفشي فقط على حدود العلاقة التعاقدية ولكن كيتعداها لان الميثاق كينظم أمور ميمكنش نالعقد ينظما ، فحال التجاوب الروحي مثلا و التعلق بالأسرة و حمايتها .
ثانيا : الزواج هو عقد رضائي : يعني خاص ضروري يكون تراضي بين الرجل و المرأة لي غادي يتزوجو ب باعطوم . وادا كان فالعقد اكراه او تدليس يعني المرأة تزوجات بشي واحد بدون رضى ديالها ميمكنش نسميو العقد بلي راه عقد زواج بالمفهوم الشرعي و يمكن للمدلس عليه او للمكره سواء كان رجل او مرأة تفسخ عقد الزواج قبل البناء او بعده و هادشي كاين فالمادة 63 من المدونة .
اوكي دابا ماشين مزيان
نكملو
ثالثا : طرفي العقد : عقد الزواج خاص ضروري يكون بين رجل وإمرأة . و ميمكنش يكون بين رجل و رجل ( يعني اللواط ) اولا بين مرأة و مرأة ( يعني السحاق ) .
رابعا : مدة العقد : عقد الزواج خاص يكون دائم و يتعقد بين الرجل و المرأة على وجه الدوام يعني ماشي نتزوجو لمدة محددة فحال زواج المتعة مثلا ولا زواج التحليلة لي كان فالجاهلية .
خامسا : غاية العقد
باش ينجح عقد الزواج و يحقق الغاية لي كيقوم عليها خاص يكون هناك تآلف و تراحم واحترام و مودة بين الراجل و مراتو و الغاية من الزواج سبق لينا قولنا بلي هي الإنجاب و إكثار سواد الأمة وإعمار الأرض و استمرار الحياة .
سادسا : المسؤولية المشتركة للزوجين
يعني المسؤولية ديال الأسرة كتكون مشتركة بين الراجل و مراتو سواء من الناحية المادية أو المعنوية . بحيث قال الرسول صلى الله عليه وسلم في الحديث النبوي الشريف ( كلكم راع و كلكم مسؤول عن رعيته )
الحلقة الأولى : #الزواج فمدونة الأسرة ( بالدارجة )
كيفما كنعارفو كاملين بلي الزواج وسيلة لاستمرار الحياة و تعمير الأرض
فالأبناء الصالحون هم إمتداد لعمل الزوجين من بعد الوفاة ديالوم كيفما قال الرسول صلى الله عليه و سلم ( إذا مات إبن أدم إنقطع عمله ، إلا من ثلاث صدقة جارية أو علم ينتفع به أو ولد صالح يدعو له ) .
و مدونة الأسرة عرفت لينا الزواج فمدونة الأسرة فالمادة 4 وقالت بأن " الزواج ميثاق تراضي وترابط شرعي بين رجل وإمرأة على وجه الدوام غايته الإحصان و العفاف وإنشاء أسرة مستقرة برعاية الزوجين طبقا لأحكام هذه المدونة "
دابا غادي نشرح هاد المادة و نفصلوها مزيااااااان
أولا : المشرع قال بلي الزواج ميثاق تراضي وماقالش الزواج عقد حيث الميثاق كيتعدى العقد و مكيتوقفشي فقط على حدود العلاقة التعاقدية ولكن كيتعداها لان الميثاق كينظم أمور ميمكنش نالعقد ينظما ، فحال التجاوب الروحي مثلا و التعلق بالأسرة و حمايتها .
ثانيا : الزواج هو عقد رضائي : يعني خاص ضروري يكون تراضي بين الرجل و المرأة لي غادي يتزوجو ب باعطوم . وادا كان فالعقد اكراه او تدليس يعني المرأة تزوجات بشي واحد بدون رضى ديالها ميمكنش نسميو العقد بلي راه عقد زواج بالمفهوم الشرعي و يمكن للمدلس عليه او للمكره سواء كان رجل او مرأة تفسخ عقد الزواج قبل البناء او بعده و هادشي كاين فالمادة 63 من المدونة .
اوكي دابا ماشين مزيان
نكملو
ثالثا : طرفي العقد : عقد الزواج خاص ضروري يكون بين رجل وإمرأة . و ميمكنش يكون بين رجل و رجل ( يعني اللواط ) اولا بين مرأة و مرأة ( يعني السحاق ) .
رابعا : مدة العقد : عقد الزواج خاص يكون دائم و يتعقد بين الرجل و المرأة على وجه الدوام يعني ماشي نتزوجو لمدة محددة فحال زواج المتعة مثلا ولا زواج التحليلة لي كان فالجاهلية .
خامسا : غاية العقد
باش ينجح عقد الزواج و يحقق الغاية لي كيقوم عليها خاص يكون هناك تآلف و تراحم واحترام و مودة بين الراجل و مراتو و الغاية من الزواج سبق لينا قولنا بلي هي الإنجاب و إكثار سواد الأمة وإعمار الأرض و استمرار الحياة .
سادسا : المسؤولية المشتركة للزوجين
يعني المسؤولية ديال الأسرة كتكون مشتركة بين الراجل و مراتو سواء من الناحية المادية أو المعنوية . بحيث قال الرسول صلى الله عليه وسلم في الحديث النبوي الشريف ( كلكم راع و كلكم مسؤول عن رعيته )
تعليقات
إرسال تعليق