الالتزاملت و العقود بالدارجة

 قانون الإلتزامات و العقود  بالدارجة :

كنسميوه فالمغرب ، الشريعة العامة ديال القوانين ، هو قانون العمر ديالو 105 سنوات ، قدييييم و منو خرجو بزاف ديال القوانين الأخرى فحال مدونة الحقوق العينية و مدونة التجارة و مدونة الشغل، قانون إ و ع مقسم لجوج كتوبا ، الكتاب الاول كيهضر على الإلتزامات بوجه عام ، و الكتاب الثاني كيهضر على العقود المسماة لي خصص ليها المشرع إسم محدد و إطار قانوني كينظمها (عقد البيع مثلا) ، نرجعو للكتاب الأول واخا ؟ ، هاد الكتاب ديال الإلتزامات بوجه عام كيحدد لينا كل ما يتعلق بنظرية الإلتزام ، المصادر د الإلتزام و الأوصاف و الانتقال و الآثار و البطلان ديالها و حتى الإنقضاء ديالها و كيفاش ممكن نثبتوها ، جاك هادشي بزاف و كيخلع ؟ غير تكالما، القسم الاول كيهضر غير على المصادر من الفصل 1 حتى الفصل 106 , و القاعدة العامة لي كتهضر على المصادر هي الفصل الأول لي كيقول بلي "تنشأ الإلتزامات عن الإتفاقات و التصريحات الأخرى المعبرة عن الإرادة و عن أشباه العقود و عن الجرائم و عن أشباه الجرائم " أوووكي ، عرفنا دابا بأنه مايمكنشي نتصور شي التزام بلا ما يكون اتفاق أي عقد ، أو بلا مايكون تصريحات اخرى معبرة عن الارادة ، و هي لي كنسميوها ارادة منفردة ، او اشباه العقود ، و كاتسما الإثراء بلا سبب ( غادي نشرحوه من بعد) ، ثم الجرائم و أشباه الجرائم ، الجريمة لي هي سلوك محظور فالقانون الى ارتكبتيه كيولي التزام فعنقك لي هو تخلص التعويض نشخص لي تعديتي عليه و تدخل للحبس ، أشباه الجرائم هي شي حاجة خفيفة ماواصلاش ن الجريمة ، مجرد خطأ كيتولد عليه مسؤولية تقصيرية و كتولي ملزم انك تخلص تعويض ..
الحلقة لي ماجا غادي نفسرو كل مصدر بوحدو و غادي نبداو مع الإتفاقات أي العقود ..